راحي اوياك بس احجايه عدهه
واشطبك من حياتي وبابي اسدهه
اشلون انطاك كلبك تنسه وتعوف
وبعد ما جنت خلهه اتصير ندهه
غيوم الشته اشكد تمطر على الكاع
تبجي اعيوني لو اذكرك ابكدهه
تريد الصدك طيفك ما نسه العين
وبذاكرتي جلماتك بعدهه
اجذب لو اكلك ناسي طاريك
من يغفه الجرح صوتك يندهه
تعال وشوف خلانك اشلون
حال الوالده الفكدت ولدهه
اكبال الناس اكابر والجم العين
وبيني وبين روحي العبره اهدهه
انه وروحي عركه اعليك كل يوم
مرة اوياهة اصير ومرة ضدهه
من تلمح خيالك تركض اعليك
واعتنهه بديه وكوه ادرهه
ولج يا روح هيدي انهرهه وتهيد
وجمر دمعاتهه اينزلن بخدهه
زرعتك بذره بيدي وكمت اباريك
وكلت تطرح وفه واكعد ابسدهه
ولكن خضرت وركاتهه وجيت
اضوطنهه غفل جفك حصدهه
غشيمة الروح ثاري وفاكده الراي
تريد الدفهه وتعوف الحمدهه
ومواسم وجهك انته ابكل وكت لون
من الحيه من تنزع جلدهه
شاكر التميمي