كلبي الك مفتوح مو بس كتابي
ميت هله لو جيت وتدكلي بابي
******
تدري غيابك يوم يصعب علينه
حته ابحلم راضين لو تمر بينه
******
سويلي بس مسكول وانه اتصل بيك
لو عل الرصيد تخاف نبضي انه اعبيك
******
لا اكدر انه انساك لا بيه اجيلك
هاك الكلب مرخوص ضمه ابدليلك
*********
هم همي هم اهموم شماتي واعداي
زادن اهمومي اهموم زرفنلي اجلاي
********
ابيض صحيح اهدوم بس كلبك اسود
ما نظف ابدا يوم لا سامح احد
*********
غمج يهاي الروح شكد شفتي الآم
تاليتج اتلوذين بأرذال الازلام
********
ما نشف دمعي اعليك من يوم الوداع
ارفس رفس مذبوح من يوصل الكاع
********
اعيوني اخذهه اوياك لو سافرت يوم
خايف تصد للغير من بعدك اتكوم
******
كلبي ارد احركه ابنار وبرجلي اسحكه
جي رف عله الباعوه ويكلي الحكه
*******
اوهه امداهه الروح لشتم واغمهه
عد عاذل تأمنين اجروحج يلمهه
********
مو دمع ايسيل تدري اعله فركاك
وبكلبي شب جانون من يمر طرواك
*********
دنيايه ظلمه اتصير من انته غايب
جي انته اعز الناس واغله الحبايب
جواد كاظم الرميثي